Құлыбаев, Ыдрысов пен министрдің туысына қатысты компанияның үлесі сатылып жатыр
Kundybai Mining-тің 20% акциясы 51,38 млн теңгеден сатылымға шықты.
Астана, NEGE. Қайтарылған активтерді басқару компаниясы «Kundybai Mining» акционерлік қоғамының 20% үлесін ашық саудаға шығарды. Саудаға ұсынылған пакеттің бастапқы бағасы – 51,38 млн теңге. Аукцион 24 желтоқсанда, сағат 10:00-де өтеді.
sauda.e-qazyna.kz
«Kundybai Mining» компаниясының негізгі иесі – Kazakhstan's Mineral Resource Investment Company. Ал бұл ұйымның үш құрылтайшысы бар:
- Joint Resources – бизнесмен Тимур Құлыбаевқа тиесілі.
- «Orda Mining» ЖШС құрылтайшылары – Дінмұхамед Ыдрысов пен Мальгаждар Карин.
- Сәуле Мұқашова – Kase-де жарияланған мәліметке сүйенсек, ол көлік министрі Нұрлан Сауранбаевтың жарының анасы.
ҚАБК жариялаған деректерге сәйкес, аталған акция пакеті ашық саудаға шығарылған және кез келген инвестордың қатысуына мүмкіндік бар.