Job fair 2025: 120-дан астам компания болашақ қызметкерлерін NU түлектері арасынан іздейді
Еліміздің 120-дан астам жетекші компаниясы NU түлектеріне жұмыс орындарын ұсынды. Бос орындар жәрмеңкесі Мемлекет басшысы Қ. Тоқаев жариялаған Жұмысшы мамандықтар жылы аясында өтті.
Астана, NEGE. Биыл шараға экономиканың негізгі салаларындағы жұмыс берушілердің рекордтық саны жиналды. Бұл қазақстандық және халықаралық бизнес тарапынан университет студенттері мен түлектеріне сұраныс жоғары екенін растайды.
Түлектердің жұмысқа орналасу көрсеткіші – 98%. 92%-дан астамы Қазақстанда жұмыс істейді. Мансап және кәсіптік бағдарлау орталығы ұйымдастырған Бос орындар жәрмеңкесі 2025 – елдің жетекші компанияларына университеттің таланттарын тартуға мүмкіндік беретін бірегей стратегиялық алаң. Жұмыс берушілер ЖОО-дағы дайындық сапасы жоғары деңгейде екенін растайды.
NU студенттері инновациялық ойлау және кәсіби дағдыларымен ерекшеленеді, себебі компаниялар тек қана қызмткерлерді емес, сондай-ақ болашақ көшбасшыларды іздейді.
Жұмыс берушілер көрмесі студенттер мен түлектерге жетекші компаниялардың өкілдерімен кездесуге, мансаптық перспективалар туралы ақпарат алуға және жұмысқа орналасу мүмкіндіктерін тікелей талқылауға мүмкіндік береді.
Іс-шараға экономиканың негізгі салалары мен еліміздің түрлі өңірлерінен жетекші компаниялардың 250-ден астам өкілі қатысты. Студенттер мен түлектер мансаптық мүмкіндіктер туралы HR-директорлар мен топ-менеджерлерден тікелей ақпарат алып, қысқаша сұхбаттан өте алды, компания өкілдері кері байланыс пен құнды кеңестер берді, осылайша, кәсіби байланыстар орнады.
Шараға автомобиль және инженерия, IT/телекоммуникация және өндірістік кәсіпорындарға дейінгі салалар өкілдері жоғары қызығушылық танытты.
Бұл жәрмеңке Student Government Ministry of Education & Ministry of External Affairs-бен бірлесіп ұйымдастырылды.
