Израильде жасы 12-ден асқан жасөспірімдер екпе қабылдап жатыр
Израильде бүгіннен бастап жасы 12-ден асқан балаларға екпе салу жұмыстары басталды.
Алматы, NEGE. Бұған дейін мұнда 16-ға толған жеткіншектер вакцина қабылдаған. Жалпы Израиль – әлемде вакциналау науқаны бойынша жақсы нәтиже көрсетіп отырған елдердің бірі. Мұнда екпенің қажетті екі дозасын халықтың жартысынан астамы, дәлірек айтсақ, 55%-і алып қойған. Сондықтан елде шектеу шаралары алынып, вирус жұқтыру деректері айтарлықтай азайған. Қытайда да жасы 3-тен асқан балаларға коронавирусқа қарсы екпе қабылдауға рұқсат берілді.
Негізі көрші мемлекет салынған вакцина саны бойынша әлемде бірінші орында тұр. Мұндағы көрсеткіш 800 миллионға таяп қалды. Билік жыл соңына дейін халықтың 80%-ін екпемен қамтамасыз етуді жоспарлап отыр.
