Дүние
Израиль Дамаск пен Алеппо әуежайларына шабуыл жасады
Сирия Көлік министрлігінің хабарлауынша, Израиль әуе күштері Алеппо және Дамаск әуежайларына әуеден шабуыл жасаған. Қазіргі уақытта әуежайлар жұмысын тоқтатты.
Алматы, NEGE. «Шамамен 05:25 кезінде израильдік қарсылас бір уақытта Жерорта теңізінен батысқа қарай Латакиядан және басып алынған сириялық Голан жақтан Дамаск және Алеппо халықаралық әуежайларына соққы жасады», - деп жазды SANA агенттігі.
Дамаск пен Алеппо әуежайларындағы барлық жоспарланған рейс (келу және кету рейстері) Латтакия халықаралық әуежайына ауыстырылады.
«Агрессия Дамаск және Алеппо халықаралық әуежайларына бағытталды, салдарынан Дамаск әуежайының бір азаматтық қызметкері қаза тауып, бір жұмысшы жараланды», – делінген басылымның хабарламасында.