Израиль Иранға тағы соққы жасауға көшті
Израиль армиясының өкілі Эффи Дефрин брифингте осы сағаттарда Израиль әскери-әуе күштері Иранның әр түкпірінде үлкен соққы жасауды жалғастырып жатқанын айтты, - деп хабарлайды ВВС.
Алматы, NEGE. Оның айтуынша, соққы 40 сағатқа жуық уақыт бойы жалғасып жатыр, осы уақыт ішінде 150-ден астам нысанаға шабуыл жасалды. Соңғы 24 сағатта соққылардың басты назары Тегеран болып отыр.
Дефрин сонымен қатар Иранның батысындағы жерасты нысанына шабуыл жасалғанын хабарлады. Оның айтуынша, онда қанатты және баллистикалық зымырандар сақталып, Израильге ұшырылған.
Иран тарапынан «Тасним» агенттігі жуырда астанада және көптеген аймақта әуе қорғанысы қайта іске қосылғанын хабарлаған.
Сондай-ақ бір күнде елдің батысында және Иранның орталығындағы Ком қаласының аймағында Израильдің көптеген ұшқышсыз ұшағы атып түсірілгенін жазды.
Еске сала кетейік, жұма, 13 маусымға қараған түні Израиль Иранға жаппай соққы берді. Бұған жауап ретінде Тегеран Израильге қарай жүзден астам дрон ұшырды. Иран Натанзедегі ядролық қондырғының зақымданғанын растады, бірақ радиацияның ағып кеткенін жоққа шығарды.
