Израиль «Евровидение» байқауынан шеттетілуі мүмкін
Келесі аптада Еуропалық хабар тарату одағы Израильді «Евровидение» музыкалық байқауынан шеттету туралы ұсынысты талқылайды.
Алматы, NEGE. Еуропаның бірнеше елі Газа секторындағы оқиғаларға байланысты Израильді 2025 жылғы «Евровидение» байқауына қатыстырмауды талап еткен.
Бұл елдердің қатарында Словения, Финляндия, Нидерланды, Испания және Исландия бар.
Мамыр айында, Базельде өтетін байқау қарсаңында, Ирландияның телерадиокорпорациясы Еуропалық хабар тарату одағынан Израильдің қатысу мәселесі ұйым мүшелері арасында кеңінен талқыланатыны жөнінде уәде алған.
Бүгін исландиялық БАҚ екі ай бұрын өткен RÚV (Исландия телерадиокорпорациясы) кеңесінің отырысының хаттамасын жариялады. Хаттамаға сәйкес, Израильдің «Евровидениеге» қатысу мәселесі 3 шілдеде Лондонда өтетін Еуропалық хабар тарату одағының Бас ассамблеясында қаралады.
Қазір оқып жатыр
Сайлауалды науқанның бірінші аптасы қалай өтті: сарапшылар «Әділет» партиясының әлеуетіне қандай баға берді
Еурокубок тек бедел емес: «Қайрат» пен «Тобылдың» жеңісі Қазақстанға не үшін қажет?
Жамбыл облысында төрт теміржолшының қазасына кінәлілерге үкім шықты
Қазақстанда МӘМС жарнасын төлеу қағидасы жаңартылды: не өзгерді?
