Агенттіктің іздеу жарияланған бұрынғы қызметкері ұсталды

Алматы, NEGE. «Жедел-іздестіру іс-шаралары барысында Қаржы мониторингі агенттігінің елордалық департаменті іздестіріп жүрген аумақтық департаменттің тергеу басқармасы басшысының бұрынғы орынбасары Д.Қайырбеков ұсталды», - делінген Қаржы мониторингі агенттігінің хабарламасында.

Күдіктіге қатысты лауазымдық өкілеттігін асыра пайдалану фактісі бойынша қылмыстық іс тергелуде. Қазіргі уақытта ер адам елордада уақытша ұстау изоляторына қамалды. Бұған дейін Қаржы мониторингі агенттігі Ақмола облысының тумасы 1984 жылғы Дастанбек Қайырбековке мемлекетаралық іздеу жарияланған еді.   Ведомство тіпті оның мекенжайы туралы ақпаратқа ақшалай сыйақы беруге уәде еткен болатын.

Агенттік мәліметінше, Қайырбековтің үстінен Қылмыстық кодекстің 362-бабы 4-тармағы 3-тармақшасы (билікті немесе лауазымдық өкілеттікті асыра пайдалану) бойынша іс қозғалды.