Дүние
Италия саясаткері мерекемен құттықтады
Италия саясаткері Тәуелсіздік күнімен құттықтады.
Алматы, NEGE. Егемен Қазақстан мен Еуропалық одақтың барлық елдерінің арасында дәстүрлі түрде жақсы қарым-қатынас қалыптасқан. Екі жақты келісім бекітілгеннен кейін өркендеудің жаңа кезеңі басталып, дамудың бұрынғы сүрлеуі үлкен даңғылға айналды. Тәуелсіздік күніне орай елімізге Римнен құттықтау жолдаған Италияның Халықаралық ғаламдық анализдер институтының басшысы Тиберио Грациани: "Қазақстандықтарды Тәуелсіздік күнімен шын жүректен құттықтаймын және бейбітшілік пен өркендеу тілеймін! Қазақстан мен ЕуроОдақ арасындағы кеңейтілген әріптестік пен ынтымақтастық туралы келісім күшіне енген сәттен бастап, біз әдеттегі ауыл шаруашылығы мен саудадан басқа елдеріміздің арасындағы мәдени байланысты да дамыту үстіндеміз. Мысалы, биыл Италияда ұлы қазақ ақыны және ағартушысы Абай Құнанбайұлының 175 жылдық мерейтойын кеңінен атап өттік", - деді.