Дүние
Италия ең қажетті тауардан өзге өнім өндруді тоқтатты
Италия коронавирус індетінің өршіп кетуінен елдегі өндірісті тоқтатуға мәжбүр.
Алматы, NEGE. Италия билігі елдегі ең қажет деген тауардан өзге өнімнің өндірісін тоқтату туралы шешім қабылдады. Бұл туралы Facebook арқылы елге жасаған бейнеүндеуінде Италия премьер-министрі Джузеппе Конте хабарлады.
Итальян премьері Covid-19 індетінен ауру жұқтырған 42 681 адамның 4 825-і көз жұмғанын айтты.
«Бұл Италияның басына Екінші дүниежүзілік соғыстан соң түскен үлкен зобалаң»,- деді Конте.
Италия үкіметінің басшысы өндірістерді тоқтату ауыр да болса амалсыз қолға алынған шара екенін айтады. Оның сөзінше, індетті тоқтатулың жалғыз амалы - неғұрлым көп адамды үйде ұстау
«Бұл оңай шешім емес. Біз аса қажет емес және экономикада шешуші рөл атқармайды деп тапқан өндірістің бәрін тоқтатамыз»,- деп хабарлады Конте.
Бұл шектеулердің азық-түлік дүкендері, пошта байланысы, банк және дәріханаларға қатысы жоқ. Өндірісті тоқтатуға қойылған шектеу 3-сәуірге дейін жалғасады.