Дүние
Италия 4 мамырдан бастап карантинді тоқтатпақ
Италия 4 мамырдан бастан карантин режимін тоқтатпақ. Бұл туралы Төтенше жағдай режимін қамтамасыз ету жөніндегі Мемлекеттік комиссияның жедел штабынан мәлім болды.
Алматы, NEGE. Жедел штаб таратқан мәліметке қарағанда, Италия Премьер-Министрі Джузеппе Конте Италия шектеулі карантин режимін бұдан әрі соза алмайтынын айтқан. Себебі бұдан әрі елдің әлеуметтік-экономикалық құрылымы нашарлауы мүмкін. Сол себепті мемлекет 4 мамырдан бастап біртіндеп карантин режимін тоқтатады. Жақын арада музейлер мен көрнекі орындар ашыла бастайды. Дегенмен, осы маусымда Италияда тек жергілікті халық қана демала алады. Шекара жыл соңына дейін жабық болмақ.