6 Ақпан 18:30
...
Ыстанбұлда қарулы ер мен әйел сот ғимаратына шабуыл жасады
Түркияның Чаглаян ауданындағы сот ғимаратында атыс болып, бес адам жараланды.
Алматы, NEGE. Бұл туралы Түркияның Ішкі істер министрлігінің басшысы Али Эрликая X әлеуметтік желісінде хабарлады.
Полицияның мәліметінше, екі адам – ер мен әйел сот ғимаратына шабуыл жасап, оқ жаудырған. Олардың қолынан бес адам зардап шекті, оның ішінде үш полиция қызметкері бар.
Қазіргі уақытта шабуыл ұйымдастырған ер мен әйел өлтірілді.
Сот ғимараты қоршауға алынып, жолдар жабылған. Оқиға орнына полиция қызметкерлері жөнелтіліп, Ыстанбұл бас прокуроры да келді.
