Ыстамбұлда бұрынғы әуежай алаңында жаңа аурухана ашылды
Ыстамбұл қаласындағы бұрынғы Ататүрік атындағы халықаралық әуежайдың ұшу-қону алаңында жаңа аурухана ашылды.
Алматы, NEGE. Бір жарым айдың ішінде бой көтерген госпиталь коронавирусқа шалдыққан науқастарды емдеумен айналысады. Әуежай былтыр жаңа нысан салынғанына байланысты жабылып, тек жүк ұшақтарын қабылдап келген. Айта кетейік, Түркия билігі 1 маусымнан бастап індетке байланысты енгізілген бірқатар шектеу шарасы жеңілдетілетінін мәлімеген. Келесі айдан елде мейрамхана мен дәмханалар жұмыстарын жалғастырып, саябақтар мен жағажайлар ашылуы тиіс. Ал ресми дерекке сүйенсек, Түркияда қазірге дейін COVID-19-ды жұқтырғандардың саны 161 мыңнан асып, дерттен 4,5 мыңға жуық науқас көз жұмған.