Ішкі істер министрі: «Бейбіт Шүменов АҚШ-та болуы мүмкін»
Ішкі істер министрі Марат Ахметажанов тамыздың 8-і күні үкімет отырысында боксшы Бебут Шүменовтің елден қашып кетуіне қатысты пікір білдірді.
Алматы, NEGE. Ол тергеу әлі жалғасып жатқанын, спортшыға іздеу жарияланғанын айтты. Әрі қарайғы жұмыстар заң аясында жүргізілуде.
"Ол АҚШ-та болуы мүмкін. Қазір жеке нұсқаулар жіберілді, қажетті тергеу амалдары жүргізілуде. Қылмыс орташа ауырлық санатына жатады. Тіпті мұндай жағдайда да әрекет ету қарастырылған. Қайта оралған жағдайда оның қатысуымен толыққанды сот тергеуі жүргізіліп, заңды процессуалдық шешім қабылданады", - деді Ішкі істер министрі Марат Ахметжанов.
Естеріңізде болса, бұған дейін Астанада "Мега" сауда орталығында боксшы Бейбіт Шүменов қолында баласы бар ер адамды ұрып-соққан болатын. Кейін ол қашып кетіп, оған мемлекетаралық іздеу жарияланған.