Ішіп алған Өскемен тұрғыны көпқабатты үйде теракт болады деп полицияға өтірік айтқан
Өскемен қаласының тұрғыны полицияға теракт туралы жалған хабар берген.
Алматы, NEGE. Қалалық полиция басқармасы баспасөз қызметінің мәліметіне сүйенсек, 16 қарашада таңғы сағат 05.13-те «102» жедел арнасына қоңырау шалған азамат теракт болатыны туралы хабар берген.
«Өз сөзінде ол теракттың Сәтпаев даңғылындағы көпқабатты үйлердің бірінде сағат 06.00-07.00 шамасында болатынын жеткізді. Алайда бұл ақпарат шындыққа жанаспайтын болып шықты. Полицейлер қоңырау шалған ер адамның кім екенін жедел анықтаған. Мас күйдегі 41 жастағы шаһар тұрғыны әзілдегенін айтты», - деді басқарма бастығы Андрей Мула.
Сараптама нәтижесіне сәйкес, ер адам орташа дәрежеде мас болған. Тәртіп сақшылары оны ҚР ӘҚБтК 438-бабы 1-бөлігіне сәйкес әкімшілік жауапкершілікке тартып, 30 АЕК мөлшерінде айыппұл салды.
Қазір оқып жатыр
«Болашақ» талапқа сай келмейтін 340 адамға 7,7 млрд теңге шәкіртақы төлеген
Қыз алып қашу заң талаптарын өрескел бұзу болып саналады – Артур Ластаев
Қазақстан өнеркәсіптік әлеуетін арттыруда: жаңа зауыттар, энергетика және өңірлерге тартылған инвестициялар
Спорт министрлігі: «Асаубаеваның дайындығына 2026 жылы 100 млн теңге бөлінді»
