Исатай ауданында Тәуелсіздік монументі ашылды
Атырау облысының Исатай ауданында Тәуелсіздік монументі ашылды, деп хабарлайды облыс әкімдігінің баспасөз қызметі.
Атырау, NEGE. Тәуелсіздік монументі Исатай ауданының орталығы – Аққыстау ауылында бой көтерген.
Монументтің биіктігі – 16, ұзындығы мен ені – 6,5 метр. Оның мұнарасында қазақ халқының киелі шаңырағы, оның жанында ұшып жүрген құстар бейнеленген.
«Монумент – тарихи-танымдық маңызы зор нысан. Мұнараның биігіне киелі шаңырағымыздың орнатылуының астарында Тәуелсіздігіміз мәңгілік болсын деген идея бар. Тәуелсіздігіміз баянды болса, еліміз де еңселі болады», - деді монументтің ашылуына қатысқан облыс әкімінің орынбасары Нариман Таушов.
Мұнараның артқы жағында биіктігі – 5, ұзындығы – 7, ені – 1,10 метрлік 3 колоннаға рельефт-мүсіндер орнатылған. Онда Тұңғыш Президент – Елбасы Нұрсұлтан Назарбаевтың ант беру сәті мен еліміздің 30 жылдағы жетістіктері көрініс тапқан.
Қазір оқып жатыр
Сот «Шымбұлақ» шатқалына көліктің кіруін шектеу Конституцияға қайшы екенін анықтады
«Қазақмыс» жұмысшыларының талабын арнайы комиссия қарайтын болды
Тоқаев пара беруге уәде еткендерді де қылмыстық жауапқа тартуды көздейтін заңға қол қойды
Маңғыстау облысында жұмыссыздар саны артып барады: сарапшылар не дейді?
