Иркутскіде ұшақ апатынан қаза тапқандар саны артты
Сібірде жүк тасымалдайтын АН-12 ұшағы апатқа ұшырап, 9 адам ажал құшты деп хабарлады Рейтер агенттігі.
Алматы, NEGE. Беларуьсқа тиесілі әуе кемесі Иркутск қаласының маңында радардан жоғалып кеткен. Ресей Тергеу комитетінің аймақтық бөлімі көлік қауіпсіздігінің ережелері бұзылды деген бап бойынша қылмыстық іс қозғады. Беларусь билігі ұшақты тәжірибелі экипаж мүшелері басқарғанын айтады. Топ арасында 2 Беларусь, 2 Ресей және 2 Украина азаматы болған. Қалған жолаушылардың қай елден екені туралы әзірге ақпарат жоқ. Әуе кемесінде ешқандай жүк болмаған.
Алдын ала мәлімет бойынша апатқа қолайсыз ауа райы, яғни үскірік жаңбыр кесірінен рульдің қатып қалуы, ұшқыштардың қателігі немесе техникалық ақау себеп болуы мүмкін. Игорь Кобзев, Иркутск аймағының губернаторы: - Өкінішке орай, ұшақта болған барлық адам көз жұмды. Оқиға орнынан дене бөліктері табылды. Беларусьтің «Гродно» әуе компаниясына тиесілі ұшақ Ресей бойынша көп рет жүк жеткізген.
Қазір оқып жатыр
Көлік әйнегін күңгірттеу бюджетке қосымша табыс әкелуі мүмкін
Тараз тұрғындары балабақша маңынан жүйіткіп өтетін көліктерден қауіптеніп, полициядан көмек сұрады
Дубайда өмір бойына сотталған қазақ жігітіне қандай айыптар тағылған?
Пластик есік-терезе орнатқан: Маңғыстауда жартасты мешітті бүлдіргендер іздестіріліп жатыр
