Ирандағы ахуалдың шиеленісуіне байланысты Президент бірқатар тапсырма берді
Президент Қасым-Жомарт Тоқаев Қауіпсіздік Кеңесінің хатшысы Ғизат Нұрдәулетовке бірқатар нақты міндет жүктеді.
Астана, NEGE. Мемлекет басшысы Нұрдәулетовке күш құрылымдары мен салалық министрліктердің басшыларымен бірлесіп, Ирандағы ахуалдың ушығуына және оның еліміздегі тұрақтылыққа қатер төндіру ықтималдығына байланысты шұғыл шаралар жоспарын әзірлеуді тапсырды.
Президенттің тапсырмасына сәйкес, барлық күштік құрылымдар тәулік бойы жұмыс істеу тәртібіне көшірілді.
Үкімет жанынан Сыртқы істер министрлігі жетекшілік ететін арнайы мониторинг тобы жұмысқа кірісті.
Өңір әкімдеріне Таяу Шығыстағы жағдайды ескере отырып, тиісті шешімдер қабылдау міндеттелді.