Дүние
Иранда зілзаладан зардап шеккендер саны 816 адамға жетті
Иранның солтүстік-батысы Батыс Әзербайжан провинциясы Хой қаласында болған жер сілкінісі салдарынан зардап шеккендер саны 816-ға жетті, 3 адам қаза тапты, деп хабарлайды ҚазАқпарат.
Алматы, NEGE. Бұл туралы жексенбі күні провинция губернаторы Мохаммад Садег Мотамедян мәлімдеді. Алдын ала бағалау бойынша, зілзала 2 қала мен 70-тен аса ауылға нұқсан келтірген, 20-50% ғимарат бүлінді, деп атап өтті ол.
Магнитудасы 5,9 балдық жерасты дүмпуі 28 қаңтарда Иранның солтүстік-батыс бөлігінде тіркелді. Зілзала ошағы 175 мың адам тұратын Хой қаласынан оңтүстік-шығысқа қарай 23 шақырым жерде болған. Тереңдігі - 7 шақырым.