Иранда хиджаб киюге қарсылық танытқан студент қыз көшеде киімін шешіп тастады (видео)
Тегеранда Азад ислам университетінің студенті хиджаб киюге қарсылық танытып, университет кампусында киімін шешіп тастады.
Алматы, NEGE. Оқиға 2 қарашада болған. Бұл әрекетінен кейін бойжеткен бірден қамауға алынды.
Қыздың мұндай қадамға баруына хиджабқа қатысты ескерту себеп болған. Бұған дейін студент қыз оқу орнының қауіпсіздік қызметі тарапынан хиджабты дұрыс кимегені үшін қудалауға ұшыраған.
«Студенттің орынсыз әрекетінен кейін кампус күзеті араласып, оны құқық қорғау органдарына тапсырды», - деп хабарлады университет өкілдері.
Олар қыздың «психикалық ауытқуы бар» деген болжам айтты.