Иран АҚШ-тың ұшақ шабуылына жауап берді
Иран АҚШ-тың үш негізгі ядролық нысанға жасаған авиаударынан кейін ядролық өнеркәсіпті тоқтатпайтынын мәлімдеді. Бұл туралы Иранның атом энергетикасы ұйымының (ОАЭИ) ресми хабарламасында айтылған.
АЛМАТЫ, NEGE. "Халықаралық қоғамдастық заңсыздыққа қарсы тұрып, Иранның заңды құқықтарын қолдайтынына үміттенеміз. Иран атом энергетикасы ұйымы жаудың зұлым жоспарына қарамастан, мыңдаған ғалымдардың еңбегімен ұлттық ядролық өнеркәсіпті дамытуды тоқтатпайтынын мәлімдейді", – делінген ОАЭИ-дың Telegram-каналында жарияланған хабарламада.
Ұйым АҚШ-тың авиаударларын халықаралық заңдардың, оның ішінде ядролық қарудың таралуына қарсы келісімнің бұзылуы деп бағалады. Сонымен қатар, бұл әрекеттер МАГАТЭ-нің бейтараптығының жоқтығы жағдайында орын алғаны айтылады.
Естеріңізге сала кетейік, бұған дейін АҚШ президенті Дональд Трамп Ирандағы үш ядролық нысан, оның ішінде Фордо астындағы кешенге шабуыл жасалғанын хабарлаған. Иран тарапынан авиаударлар расталды.
