Иорданияда Қазақстанның кино күндері өтті
Иордания Хашимит Корольдігінің астанасында Қазақстан Тәуелсіздігінің 30 жылдығын мерекелеу аясында Қазақстандық кино күндері өтті.
Алматы, NEGE. Шараны Ш.Айманов атындағы «Қазақфильм» АҚ және Иорданияның кинематография бойынша Корольдік комиссиясымен бірлесіп Қазақстан Республикасының Иорданиядағы Елшілігі ұйымдастырды.
Кинокөрсетілім Амман қаласының ең көне аудандарының бірінде орналасқан «Кино үйінде» өтті. Қонақтармен амандасқан Қазақстан Елшісі Айдарбек Туматов оларды қазақстандық кинематографияға танытқан қызығушылығы үшін алғысын білдірді.
«Шара иордандықтардың Қазақстан халқымен, оның тарихы және мәдениетімен жақынырақ танысуына жағдай жасап, қазақстандық-иордан мәдени-гуманитарлық ынтымақтастығының одан ары нығаюына септігін тигізеді», - деп атап өтті Елші.