Инфляция 4,7% болды
2019 жылдың 11 айында Қазақстандағы инфляция 4,7%
болды, деп хабарлады ҚазТАГ ҚР Ұлттық экономика министрлігінің статистика комитетіне сілтеме жасай отырып.
Алматы, NEGE. «Жыл басынан бері (2019 жылдың қарашасын 2018 жылдың желтоқсанымен салыстырғанда) ұн бағасы – 24,8%, жармаға 22,6%, мұздатылған балық –17,3%, қой еті –15,9%, сиыр еті –15,4%, жылқы еті – 14,6%, картоп – 14%, нан –15,2%, құс еті – 11,6%, шошқа еті – 10,6%, макарон өнімдері – 12,1%, мәйек ірімшігі – 9% қымбаттады», – делінген статистика комитетінің сайтындағы жедел ақпарда.
Қараша айында тауар және қызмет бағалары 0,7%, азық-түлік өнімдері – 1,2%, азық-түлік емес тауарлар – 0,5%, тұрғындарға арналған ақылы қызметтер – 0,5% өскен, делінген құжатта.
Ал жаңа піскен көкөніс бағасы - 8,4%, құмшекер – 18,6% арзандаған.