Индонезиядағы жер сілкінісінен қаза тапқандар саны 252 адамға жетті

Алматы, NEGE. Соңғы мәліметтерге сәйкес, 31 адам із-түзсіз жоғалған, кемінде 377 адам жарақат алды. 

Индонезияда 21 қараша күні магнитудасы 5,6 болатын жер сілкінісі болды. Қаза тапқандардың көпшілігі Батыс Ява провинциясындағы Чианжур ауданының тұрғындары.

Сонымен қатар, тұрғын үйлер, мектептер, ауруханалар мен бірнеше әкімшілік ғимарат қирады. 

Қаза болғандардың көпшілігі балалар, өйткені олар жер сілкінісі кезінде мектептер мен интернаттарда болған.