Индонезияда есірткімен ұсталған қазақстандықтар елге қайтарыла ма?
Сыртқы істер министрінің орынбасары Әлібек Бақаев Индонезияда есірткі сатқаны үшін ұсталған екі қазақстандыққа қатысты түсініктеме берді.
Алматы, NEGE. Оның айтуынша, екі ел арасында сотталғандармен алмасу туралы шарт жоқ. 2014 жылы Қазақстан Индонезияға осындай шартқа қол қоюды ұсынған.
«Бұған дейін мұндай жағдайлар болмағандықтан, қандай да бір құжаттардың болуы қажет емес еді. Бірақ қазіргі уақытта мұндай құжат керек. Сондықтан бұл процесс тездетіледі деп ойлаймын», – деді Әлібек Бақаев.