Індетке шалдыққандар 10 миллионнан асқалы тұр
Бір аптадан соң әлем бойынша коронавирус инфекциясын жұқтырғандардың саны 10 миллионнан асады. Бұл туралы Дүниежүзілік денсаулық сақтау ұйымының (ДДСҰ) бас директоры Тедрос Адан Гебрейюс айтты.
Алматы, NEGE. ДДСҰ қазірдің өзінде індетке шалдыққандардың саны 9,1 миллионның үстіне шықты деп санайды. Сондай-ақ, 473 мыңнан астам науқас қайтыс болған. Бұл туралы lenta.ru хабарлады.
Worldometers порталының дерегінше, 7 маусым күні 7 миллион адамның инфекция жұқтырғаны белгілі болса, екі аптадан соң, яғни, 22 маусым күні 9 миллионға жеткен.
Джонс Хопкинс университетінің мәліметіне сәйкес, пандемия басталғаннан бері 188 елде 9 391 433 адам осы індетке шалдыққан. Алғашқы үштікке АҚШ (2,37 миллион), Бразилия (1,18 миллион) және Ресей (606 мың) енген.
