Импорттық шұжықтың 85%-ы Ресейден әкелінеді
Қазақстанға Ресейден импорттық шұжықтың 85%-ы әкелінеді, деп мәлім етті ҚР ауыл шаруашылық министрі Сапархан Омаров.
Алматы, NEGE. «Шұжық өнімдерінің импорты 33,3 мың тоннаны құрап отыр, бұл ретте көрші Ресейден 85%-ы әкелінеді. Ішкі нарық отандық өндірістің шұжық өнімдерімен қамтылған - 62%», - деді Омаров сейсенбідегі үкімет отырысында.
Ол атап өткендей, ішкі нарықты шұжық өнімдерімен толықтыру міндеті етөңдеуші кәсіпорындарды айналым мақсатында қаржыландыру және малдарын союға тапсыру үшін шаруаларды ынталандыру есебінен жүргізілетін болады.
Сонымен қатар, министрдің айтуынша, қазіргі таңда етөңдеуші кәсіпорындар құрылысы бойынша тоғыз жоба жүзеге асырылуда, олар ішкі нарықты шұжық өнімдерімен қамтитын болады.
