IMEI-код көрсетілуі тиіс: Қазақстанға телефон әкелу тәртібіне өзгеріс енгізілді
Бұдан былай Қазақастанға ұялы телефондар мен планшеттер импорттаған кезде IMEI-код көрсету талап етіледі.
Астана, NEGE. Жаңа талап жөнінде Еуразиялық экономикалық комиссия хабарлады. Мұндай шешім бүгін, 14 шілдеде өткен отырыста қабылданған. Мұндай шарт құрылғыларды ЕАЭО-ның кедендік аумағына әкелу кезінде тіркеу және верификациялау жөніндегі ұлттық талаптарға байланысты енгізілген.
«Еуразиялық экономикалық комиссия алқасы экспресс-жүктерге арналған жолаушылар кедендік декларациясын толтыру тәртібіне өзгерістер енгізді. Енді ұялы байланыс функциясы бар ұялы телефондар мен планшеттерге қатысты кедендік декларацияда олардың IMEI-кодтары көрсетілуі тиіс», – делінген хабарламада.
Әзірге IMEI-код көрсету тек Қазақстан мен Қырғызстанда ғана талап етілмек.
