Иманбек Америкада концерт береді
"Грэмми" сыйлығының иегері, диджей Иманбек Зейкенов АҚШ-та концерт береді. Ән кеші 20 мамырға жоспарланып отыр.
Алматы, NEGE. Иманбек ұсынған шоу Колорадодағы Temple Denver алаңында өтеді.
Айта кетейік, аталған алаңда өтетін концерттің әр билетінен 1 доллардан музыка сүюшілердің қауымдастығына қайырымдылық ретінде аударылады. Аталған қауымдастық музыканың, сөйлесу мен махаббаттың, өздігінен білім алудың көмегімен адамдардың психикалық саулығын сақтап, суицидтердің алдын алады.
Айта кетейік, Иманбек Зейкенов Roses ремиксі арқылы әлемге танылды. Ол аталған трегі үшін Қазақстаннан бірінші болып "Грэмми" сыйлығын иеленді.
