Илон Маск Украинаға қатысты мәлімдеме жасады
Америкалық миллиардер, АҚШ-тың мемлекеттік тиімділік департаментінің басшысы Илон Маск Украинадағы қақтығысты тоқтату қажеттігін мәлімдеді, деп хабарлады РИА Новости.
Алматы, NEGE. Италияның Флоренция қаласындағы "Лига" партиясының конгресі кезінде Илон Маск бейнебайланысқа шықты.
Миллиардер Украинадағы әскери іс-қимылдарды жалғастыруды қалайтындарды "суайт пен екіжүзді адамдар" деп атады.
"Мен соғысты қоздыратындарды және әскери алыпсатарларды сыйламаймын. Бұл нағыз жауыздық...Президент Трамп дұрыс айтады, жастар мен кәрілерді қырғанды доғару қажет. Тоқтайтын уақыт келді, бұл өлім машинасын тоқтату керек", - деді Маск.
Флоренцияда арнайы сахнада Маскпен бейнебайланыс арқылы вице-премьер Маттело Сальвини сөйлесті.
Бұған дейін Ресей президенті Владимир Путин Украинадағы қақтығыстың реттеудің мақсаты қысқа мерзімді бітім емес, ұзақмерзімді бейбітшілік болу қажеттігін айтқан. Билік ресейлік халықтың мүддесі үшін күресті жалғастыра береді. Себебі "арнайы операцияның мағынасы да сол". Путиннің айтуынша, Украинадағы бейбіт өмір осы аймақта тұратын барлық халықтар мен адамдардың заңды мүддесін құрметтеу қағидатына негізделуі керек.
