Дүние
Илон Маск кандидаттардың жасын шектеуді ұсынды
АҚШ-тың бұрынғы президенті Дональд Трамп сайлауда жеңіске жетсе, Масктің Ақ үйде жұмысқа тұруы мүмкін екені де айтылып жүр.
Алматы, NEGE. Америкалық миллиардер, SpaceX-тің негізін қалаушы және X компаниясының қожайыны Илон Маск АҚШ президенттігіне кандидаттарға қатысты шарттарды өзгерту қажеттігін айтты, деп хабарлайды Ulysmedia.kz.
Қазіргі сайлау додасында тағы бір миллиардер, экс-президент Дональд Трампты қолдайтын кәсіпкер АҚШ президенттігіне үміткерлердің жасына шектеу белгіленуі керек деп есептейді.
"Ең жоғары шекті жас болуы керек. Құрылтайшы-әкелер әлдекімнің соншалықты ұзақ өмір сүретінін күткен жоқ", - деп жазды ол X-тегі парақшасында.
Еске сала кетсек, бұған дейін Илон Маск президенттік бәсекеде Дональд Трампты белсенді қолдайтын America PAC қорына қомақты қаржы аударған болатын.
Сондай-ақ АҚШ-тың бұрынғы президенті Дональд Трамп сайлауда жеңіске жетсе, Масктің Ақ үйде жұмысқа тұруы мүмкін екені де айтылып жүр.