Ильин жай ғана куәгер ретінде тергеліп жатыр
Төтенше жағдайлар экс-министрі Илья Ильиннің тергеу барысындағы статусы «куәгер» екен. Бұл туралы Бас прокурор Берік Асылов айтты.
Астана, NEGE. «Бас прокуратура тергеу жүргізіп жатыр. Ильиннің статусы қандай?», – деген сұраққа Бас прокурор Берік Асылов былай деп жауап берді: «Жай ғана куәгер ретінде тергелді. Болды. Оның ешқандай да статусы жоқ. Қазір тергеу жүріп жатыр».
Естеріңізге салайық, Абай облысының орманында болған алапат өрттен 15 адам қаза тауып, 60 мың гектар орман жанып кетті. Осыған байланысты «қызметтегі салғырттық» бабы бойынша қылмыстық іс қозғалған болатын.