Ильхам Әлиев Қарабақ астанасында Әзірбайжан туын көтерді
Әзірбайжан президенті Ильхам Әлиев 15 қазанда Таулы Қарабақтағы бірнеше елді мекенді аралап, астанасында елінің туын көтерді. Бұл туралы Азер басылымы хабарлады.
Алматы, NEGE. Әлиев Қарабақ астанасы Ханкенди, Ходжалы қалалары мен Аскеран, Малыбейли ауылдарын, Аскеранск бекінісін, Агдер қаласы мен Сарсанг су қоймасын аралады. Ханкенди, Ходжалы, Агдер мен Сарсанг су қоймасында Әзірбайжан туын көтеріп, сөз сөйледі.
19 қыркүйекте Әзірбайжан Таулы Қарабақта әскери опреация бастаған. Қақтығыс 3 күнге жуық уақытқа созылып, нәтижесінде екі тарап келісімге келді. Ал негізгі талаптардың бірі – армян құрылымын қарусыздандыру. Әлиев барлық елді мекенді бақылауға алып, мойындалмаған Таулы Қарабақ республикасының 2024 жылы 1 қаңтарда жойылатынын мәлімдеді.