Ильхам Әлиев Ресейдің AZAL ұшағына қатысты ұстанымын сынға алды
III Шуша халықаралық медиафорумы аясында өткен кездесуде Әзербайжан президенті Ильхам Әлиев AZAL әуе компаниясының ұшағына қатысты оқиға жөнінде пікір білдірді, деп хабарлайды АЗЕРТАДЖ.
Алматы, NEGE. III Шуша халықаралық медиафорумы аясында өткен кездесуде Әзербайжан президенті Ильхам Әлиев AZAL әуе компаниясының ұшағына қатысты оқиға жөнінде пікір білдірді, деп хабарлайды АЗЕРТАДЖ.
— Өкінішке қарай, біз Ресейдің ресми тұлғаларынан ешқандай жауап алған жоқпыз. Бұл оқиғадан кейін жеті ай өтті. Бәрі түсінікті, не болғанын білеміз. Біз бұл фактіні дәлелдей аламыз және Ресейдің ресми өкілдері де не болғанын жақсы біледі. Енді мәселе — неге олар дәл осындай жағдайда кез келген көрші ел жасауға тиіс әрекетті жасамады? Біздің талабымыз — кінәсін мойындау, ұшақты атып түсіргендерді жазалау және қаза тапқандар мен зардап шеккендердің отбасыларына, сондай-ақ AZAL ұшағына өтемақы төлеу. Бұл — өте орынды және заңды талап, — деді Ильхам Әлиев.
Айта кетейік, 2024 жылғы 25 желтоқсанда Ақтау маңында Бакуден Грозныйға бағыт алған AZAL жолаушылар ұшағы апатқа ұшыраған болатын. Бортта 67 адам, оның ішінде бес экипаж мүшесі болған. Апат салдарынан 38 жолаушы қаза тауып, 29 адам аман қалды.
Ұшақ апатына қатысты Ресейде, Қазақстанда және Әзербайжанда қылмыстық іс қозғалды.
