ІІМ: Олеся Кексельге қатысты сотқа дейінгі тергеу тоқтатылды
Қылмыстық оқиғаның жоқтығына байланысты «азаматты азаптады» деген күдік бойынша тергеу аяқталды. Бұл туралы Informburo.kz хабарлады.
Алматы, NEGE. Қазақстанның ішкі істер министрі Ерлан Тұрғымбаев Бас прокуратураның арнайы прокурорлар қызметінің бұрынғы бастығы Олеся Кексельге қатысты тергеудің тоқтатылғанын хабарлады.
«Кексельге қатысты тергеу қылмыстық оқиғаның жоқтығына байланысты 5 желтоқсанда тоқтатылған. Барлық тергеу әрекеттері жасалды. Қазір іс материалдары заңдылықтарды тексеру үшін прокуратураға жіберілді», – деп хабарлады ІІМ жетекшісі.
