IBA Азия чемпионатындағы өзбекке кеткен «алтынды» Абылайхан Жүсіповке қайтарды
Қазақстандық боксшы Абылайхан Жүсіпов Тайландтың Чиангмай қаласында өткен Азия чемпионатының жеңімпазы деп танылды.
Алматы, NEGE. Еске салайық, 71 келіге дейінгі салмақ дәрежесінің финалында Жүсіпов Хавасбек Асадуллаевқа есе жіберген еді.
Алайда 11 желтоқсанда Қазақстан бокс федерациясы IBA және ASBC ұйымдарына ресми наразылық хат жолдады. ҚБФ ресми хатында Абылайхан Жүсіпов пен Хавасбек Асадуллаев арасындағы жекпе-жекте өзбек боксшысының ережелерді өрескел бұзғаны атап көрсетілген.
Сонымен қатар, шаршы алаңда сербиялық төреші Джованна Угреновичтің қателікке бой алдырғаны атап өтілген. Ал Қазақстан тарапы наразылықты дәлелдеу үшін фото және бейнематериалдар ұсынды.
Нәтижесінде IBA мен ASBC жекпе-жекті қайта қарап, алтын медальді Жүсіповке беру туралы шешім қабылдады. Асадуллаев белгілі бір мерзімге жарыстардан шеттетілді.
Қазір оқып жатыр
«Псевдо ұлт деу – артық»: депутат Танакөз ақынның жазбасы жайлы
«Ертең мың адам тағы барады»: Депутат шетелде соғысқан қазақстандықтарға жазаны жеңілдетуге қарсы
Ескертуді елеместен Таяу Шығысқа кеткен қазақстандықтар жауапқа тартыла ма?
Маңғыстаулық Ұлы Отан соғысының ардагері бейбітшілікті бағалап, болашақ үшін дұрыс таңдау жасауға шақырды
