Хромтау қаласының әкімі пара алды деген күдікпен ұсталды
Хромтау қаласының әкімі Сағындық Шабықбаев Ақтөбе облысында пара алды деген күдікпен ұсталды.
Астана, NEGE. Ол ҚР Қылмыстық кодексінің «Пара алу» бабы бойынша күдікті болып отыр.
«Сот екі айға қамауға алу санкциясын берді», - деп хабарлады Ақтөбе облыстық соты.
Ашық дереккөзге сәйкес, 40 жастағы Сағындық Шабықбаев екі жыл бұрын қала әкімі болып тағайындалған. Бұған дейін ол қала әкімі орынбасары қызметін атқарған.
