Хайп үшін жол ережесін өрескел бұзған жүргізуші ұсталды
Семейде Toyota Camry 55 көлігінің 22 жастағы жүргізушісі жол қозғалысы ережелерін әдейі бұзып, соны видеоға түсіріп, әлеуметтік желіге жүктеген.
Алматы, NEGE. Жас жігіт бір апта ішінде жылдамдықты шамадан тыс асыру, қарсы бағытқа шығу, бағдаршамның қызыл түсіне өту, жолда рұқсат етілмеген маневр жасау, қауіпсіздік белдігін тақпау және көлік жүргізу кезінде телефон пайдалану сынды әрекеттерін бейнежазбаға әдейі түсірген.
Сонымен қатар оның көлігінде алдыңғы мемлекеттік нөмір болмаған, ал орнына тыйым салынған жарық шамдары орнатылған.
Құқық бұзушы анықталып, жауапкершілікке тартылды.
