Спорт
«Хан-Тәңірі» командасының 19 жастағы футболшысы матч кезінде қайтыс болды
Диас Төлеудің қазасы туралы ақпаратты Қазақстан футбол федерациясының баспасөз қызметі таратты.
Алматы, NEGE. «Қазақстан футбол федерациясы «Хан-Тәңірі» клубының шабуылшысы Диас Төлеудің мезгілсіз дүниеден өткенін қайғырып қабыл алды. Жастығына қарамастан, футболға деген ынтасы мен таланты арқылы көзге түскен Диастың өмірден ерте кетуі – орны толмас қаза. Бұл ауыр сәтте оның отбасының, жақындарының және командасының қайғысына ортақтасамыз. ҚФФ Диастың ата-анасына, туыстарына және барша жақындарына шын жүректен қайғырып көңіл айтады», - деп жазылған қаралы хабарламада.
Диас Төлеу бүгін, 16 қазанда, Бірінші лига аясындағы «Хан-Тәңірі» мен «Екібастұз» матчында негізгі құрамда шығып, 64-минутта дәрігерлер оны алаңнан зембілмен алып кеткен еді.