Халықтың 20 пайызы кітап оқымайды
Қазақстандықтардың 20 пайызы кітап оқымайды. Бұл туралы Social Development Center қоғамдық қоры хабарлады.
Алматы, NEGE. «Биыл наурыз айында Picodi.com компаниясы Еуропа, Азия, Солтүстік және оңтүстік Америка, Африка, Австралия елдеріндегі 7800 респондент арасында кітап сатып алуға байланысты сауалнама жүргізген. Оның ішінде Қазақстан да бар. Зерттеу нәтижесі бойынша, қазақстандықтардың 21 пайызы кітапқа құмар еместігін айтқан», – делінген.
Сондай-ақ, Фридриха Эберт атындағы қордың 2018 жылы жүргізген әлеуметтік сауалнама қорытындысына сүйенсек, қазақстандық жастардың 78,6%-ы кітап оқымайды. Мұнымен қоса, Қазақстанның кітап нарығында ресейлік өнімнің үлесі 65-90%-ға жеткен. Есесіне, отандық баспалардың өнімі 10-35% аралығында ғана. Ал егер көркем әдебиет туралы айтсақ, ресейлік баспалардың өнімі – 90%.