Халықаралық валюта қоры: «Пандемия экономикаға сын болып тұр»
Пандемия экономикалық шокқа әкелді. Бұл туралы Халықаралық валюта қоры, Таяу Шығыс және Орталық Азия департаментінің директоры Джихад Азур онлайн өткен "Astana Finance days 2020" панельдік сессиясында айтты.
Aлматы. NEGE. Сарапшы аталған елдердің саяси қабылдаған шешімдері жаман болмағанын мәлімдеді.
«Орталық Азия елдері мен Кавказ өңірі әлеуметтік саланы да белсенді ете түсті. Олар жұмыссыз қалған тұрғындарына әлеуметтік төлем тағайындады. Өзбекстан мен Қазақстан әлеуметтік сақтандыру қорының қаржысын қолданды. Олар бірден тұрғындарын қолдады. Бұл дағдарыстың Орталық Азия елдеріне тигізетін салдары қандай болмақ? Жаһандық сауда биыл 12 пайызға қысқарды. Бұл елдер үшін Қытай белсенді сауда серіктестің бірі болған. Орталық Азия мен Кавказ елдерінің сауда өсімі -1,5 құрады. 2021 жылы экономикалық өсім болжанып отыр. Алайда қазіргі жағдайды болжауға болмайды, болашақ бұлыңғыр. Бұл дағдарыс өңір елдерінің экономикасы қаншалықты мықты екенін көрсетеді», - деді ол.