Халықаралық бақылаушы: Қазақстан пандемия жағдайында сайлауға өте жақсы дайындалған
Басшы Консервативті партияның мүшесі, Норвегиядан келген халықаралық бақылаушы Мортен Мидтског Қазақстандағы сайлаудың ұйымдастырылуын жоғары бағалады.
Алматы, NEGE. «Мен үшін Қазақстандағы сайлауды бақылау қызық болды. Жалпы айтқанда, барлығы өте ұқсас. Қазақстан өте жақсы дайындалған және Қазақстан мен Норвегиядағы сайлау арасында аса айырмашылық жоқ», - деп атап өтті халықаралық бақылаушы.
Осы орайда М.Мидтског Қазақстандағы сайлау учаскелеріндегі санитарлық нормалардың сақталуына мән берді.
«Менің ойымша, Қазақстан пандемия жағдайында сайлауға өте жақсы дайындалған, тіпті өз Отанымнан да жақсы ма деймін. Барлығы жоғары деңгейде өткізіліп жатыр, барлық санитарлық шаралар жақсы сақталған. Сіздерде қоғамдық арақашықтықтың сақталуына аса мән берілген, санитайзерлер орнатылып, барлық сайлаушы маска киген екен. Мұның барлығы дұрыс. Осының барлығы сайлаушыларға ыңғайлы жағдай туғызу үшін жасалған деп ойлаймын. Яғни сайлаушылардың дауыс белері үшін барлық жағдай жасалған», - деді ол.
Мортен Мидтског таңертеңнен бері Алматы қаласындағы 5 сайлау учаскесінде болды. «Барлық орындар бір стандартты пайдаланған екен және барлық қажетті құрылғылар орнатылыпты. Бұл жағдайды өз көзіммен көргенім үшін өте қуаныштымын», - деп бақылаушы сөзін түйіндеді.
