Халықаралық жасыл технологиялар орталығының басшысы ұсталды
Астанада «Халықаралық жасыл технологиялар және инвестициялық жобалар орталығы» КЕАҚ басқарма төрағасы Олжас Ағабеков ұсталды.
Алматы, NEGE. Ақпаратты ҚР Сыбайлас жемқорлыққа қарсы іс-қимыл агенттігі растады.
«Астана қалалық сыбайлас жемқорлыққа қарсы қызмет өкілдері «Халықаралық жасыл технологиялар және инвестициялық жобалар орталығы» КЕАҚ басқарма төрағасын ұстады. Соттың санкциясымен оған қамауға алу түріндегі бұлтартпау шарасы тағайындалды. Өзге ақпарат қылмыстық-процестік кодекс шеңберінде жария етуге жатпайды», – делінген хабарламада.
Күдікті Дубайдағы павильонға бөлінген 270 млн теңге қаржыны жымқырған болуы мүмкін.