«Халал» шұжықтар мен консервілерден шошқа еті табылды
Доңыз етінің ДНҚ-сы қазақстандық сөрелерде сатылатын Ресей Федерациясынан алынған сиыр еті консервілері мен жартылай ысталған «Мусульманская» шұжығынан табылды, деп хабарлайды 24.kz.
Алматы, NEGE. Зерттеу нәтижелері туралы Солтүстік Қазақстан облысы бойынша ҚР ДСМ СЭБК «Ұлттық сараптама орталығы» ШЖҚ РМК сынақ зертханасы хабарлады.
«Биылғы наурыз айында халық тұтынатын тауарлар сапасының мониторингі аясында Солтүстік Қазақстан облысы бойынша санитарлық-эпидемиологиялық бақылау департаменті 38 ет сынамасын сатып алды. Зерттеу барысында сиыр консервісінің екі сынамасы және шұжық өнімінің бір сынамасынан сәйкессіздіктер анықталды: жартылай ысталған «Мусульманская» шұжығы (дайындаушы: ЖК «Павлов А. С.», Ресей, Башқұртстан Республикасы); стерильденген кесек етті консервілер «Жоғары сұрыпты бұқтырылған сиыр еті» (дайындаушы: «Стандарт» Курганский мясокомбинат» ЖШҚ, Ресей, Қорған қ.); «Жоғары сұрыптағы бұқтырылған сиыр еті» стерильденген кесек етті консервілер (дайындаушы: «Орелпродукт» АҚ, Ресей, Орловск облысы)», – делінген мәліметте.
Санитариялық-эпидемиологиялық бақылау комитетінің Ұлттық сараптама орталығынің хабарлауынша, етқұрамды, тартылған ет, стерильденген консервілер де бар.
«Түскі астық доңыз еті» тауық-ДНҚ-сы табылды (өндіруші: Ресей, Мәскеу облысы, «Селятино» ет өңдеу зауыты). Енді бұл өнімдер сәйкес келмейтін өнімдер тізіліміне енгізілді. ҰСО филиалы мамандарының айтуынша, өндірушілер тамақ өнімдерін таңбалау бойынша да бірқатар бұзушылыққа жол берген. «Оның ішінде заттаңбада көрсетілген сипаттамалар іс жүзінде құрамымен сәйкес келмейтіндігі анықталды», – делінген мәліметте.