Ғұсман Қырғызбаев әлемдік Grand Slam турнирінің финалына шықты
Астанада бүгін басталған Qazaqstan Barysy Grand Slam турнирінің алғашқы жарыс күнінде екі қазақстандық финалға шықты.
Алматы, NEGE. Ерлер арасында 60 келіде финалда қазақстандық Талғат Орынбасар мен IJF өкілі Изнаур Сааев шықты. Талғат жартылай финалда отандасы Аман Бақытжанды жеңсе, Сааев тағы бір қазақстандық Мағжан Шамшадиннен басым түсті.
Ал 66 келіде 2024 жылғы Париж Олимпиадасының қола жүлдегері Ғұсман Қырғызбаев финалға өтті. Ғұсман жартылай финалдағы белдесуінде ол қытайлық Цзыян Сені 10:0 есебімен жеңді.
Аталған жарыс нәтижесінде IJF ережелеріне сәйкес жарыстың жеңімпаздары мен жүлдегерлері арасында әлемдік және олимпиадалық рейтингілерде ұпайлар бөлінеді. Атап айтқанда, І орын үшін – 1 мың, күміс жүлдегерге – 700, ал қола медаль алғанға 500 ұпай есептеледі.
