Гүлжан Ерғалиева. Президент күні
Танымал журналист, оппозиция белсендісі Гүлжан Ерғалиева Президент Қасым-Жомарт Тоқаевтың туған күніне орай
әлеуметтік желідегі парақшасына ерекше құттықтау жазды.
«Нұрсұлтан Әбішұлы президент болғанда әкеміз шешеме былай деп қалжыңдаған: «Шапырашты бауырыңа құттықтап бар, қуанышты екеніңді айт. Балаларға пәтерді мен ғана жұлып ала беруім керек пе?». (Қонаевтың тұсында әкем үш пәтерді жұлып алып берген – әжеме, бауырыма және маған).
Г.Ерғалиева
Нәтижесі қалай болды? Назарбаевтың тұсында мен оппозицияға кеттім, кіші бауырым – биология ғылымының кандидаты жұмысынан айырылды, балалардың бірі эмиграцияда, бірі күзетші, енді бірі мүлдем жұмыссыз... Бүкіл ел бойынша осындай жағдай.
Қасым-Жомарт Кемелұлы президент болғанда Сәкенге былай дедім: «Бәлкім, сендердің жалайырларың – алматылық, мектептесің, интеллигент және дипломат елде бір өзгеріс жасайтын шығар?».
Көп сөйлемейтін күйеуім «Көреміз!» деп қысқа қайырды.
Енді міне, болашаққа үмітпен қарап отырмыз, Президент мырза!».
