Грузиялықтар жалақыны көтеруді талап етті
Айлығы шайлығына жетпейтін кәсіподақ ұйымы үкіметке наразы. Мәселемен жылдар бойы күресіп келе жатқан қызметкерлер Парламентке жүгінді,деп жазды 24.kz.
Алматы, NEGE.Грузияда ең төменгі жалақы күнкөріс деңгейінен 12 есе аз. Арзан жұмыс күші Грузияның ащы шындығына айналды. 1999 жылы бекітілген заңға сәйкес, елдегі ең төменгі жалақы 20 лариды құрайды. Бұл шамамен 7 доллар.
Ираклий Петриашвили, Грузия кәсіподақтар бірлестігінің төрағасы:
- Елдегі саясаттанушылардың айтуынша, ең төменгі жалақы қазіргі нарыққа мүлдем сәйкес келмейді. Бірақ сонда да он мыңнан астам тұрғын дәл осы мөлшермен айлық алып отыр. Біз төменгі жалақыны бар болғаны 40 пайызға көтеруді сұрап отырмыз. 2006 жылдан бері мәселенің түйіні шешілмей келеді. Енді кәсіподақ Парламенттен нақты жауап күтіп отыр. Талап мақұлданса, 190 мыңнан астам адамның өмірі оңынан өзгерер еді.
