орталық сайлау комиссиясы барлық учаскелердегі дауыс санауды аяқтады.
Алматы, NEGE. Пропорционалдық жүйе бойынша оныншы шақырылымдағы парламентке қай партиялардан қанша депутат баратыны белгілі болды, деп хабарлайды ҚазАқпарат Грузия жаңалықтарына сілтеме жасап. Грузия парламентінде 150 орын бар. Жаңа парламентке барлығы тоғыз партия өтеді. Депутаттардың көпшілігі парламент сайлауында үшінші рет жеңіске жеткен қазіргі билеуші «Грузин арманы» партиясынан. Конституцияда қарастырылған ережеге сәйкес, 120 пропорционалдық мандат келесідей бөлінеді:
Грузин арманы» – 61 мандат (48.15%, 926 959 дауыс) «Ұлттық қозғалыс – бірліктегі күш» - 35 мандат (27.14%, 522 463 дауыс) «Еуропалық Грузия» – 5 мандат (3.78%, 72 752 дауыс) «Агмашенебели стратегиясы» – 4 мандат (3.15%, 60 592 дауыс) «Лело» – 4 мандат (3.15%, 60 691 дауыс) «Патриоттар альянсы» – 4 мандат (3.14%, 60 493 дауыс) «Гирчи» – 4 мандат (2.89%, 55 600 дауыс) Алеко Элисашвили «Азаматтар» – 2 мандат (1.33%, 25 534 дауыс) Шалва Нателашвили «Еңбек партиясы» – 1 мандат (1%, 19 281 дауыс).