Дүние
Грузия үкіметінің шектеуіне байланысты ұшулар шегерілді
Air Astana Грузияға халықаралық рейстердің 1 тамызға дейін кейінге қалдырылғаны туралы хабарлайды.
Алматы, NEGE. Бұдан бұрын әуе компания Грузия үкіметінен 1 шілдеден бастап ұшуға руқсат алған еді. Алайда, кеше Грузияның Азаматтық авиация агенттігі ағымдағы эпидемиологиялық жағдайға байланысты барлық халықаралық рейстердің 1 тамызға дейін тоқтатылатыны туралы телеграмманы әуетасымалдаушыға жіберді. Air Astana бұл бағыттарға билет сатып алған жолаушыларға қолайсыздық тұғызғаны үшін кешірім сұрайды.
Жолаушылар өз билеттерін 1 тамыздан басталатын рейстерге қайта брондап немесе рейстің бағытын Ыстанбұл немесе Антальяға ауыстыра алады (тариф айырмасын есепке алумен).