Грекиядағы шатақ: Аралды өртегендер арасында олигарх Әбілғазин мен банкир Шаяхметова болған

Ұйымдасқан қылмыс пен сыбайлас жемқорлықты хабарлау жобасының (OCCRP) журналистері алған құжатқа сәйкес, Persephone I яхтасының қонақтары арасында жеті қазақстандық болған.

Олардың арасында еліміздегі ең бай кәсіпкерлердің бірі Данияр Әбілғазин де бар. Тергеу құжаттары көрсеткендей, бортта Әбілғазиннің ұлы мен әйелі Айдан Сүлейменова болған. Сондай-ақ, қонақтардың арасында «Халық Банктің» басшысы Үміт Шаяхметова оның күйеуі KMG International NV ұлттық мұнай компаниясының бұрынғы топ-менеджері Бейімбет Шаяхметов және олардың қызы болғаны анықталды.

Өрт болған күннің ертеңіне ұшу жазбалары Әбілғазиннің үнемі пайдаланатын жеке ұшағының Афины әуежайынан Грек аралы өртенген күннен кейін Алматыға ұшып кеткенін көрсеткен.

Өрт болған кезде бай қазақтар отырған яхта Гидраның шеткері ауданында болған. Бастапқыда олардың өртке тікелей кінәсі бар-жоғы айтылған жоқ еді. Алайда аралдың әкімі Гиоргос Кукудакис тергеудің қортыныдысы шыққан соң, барлық кінәлілерге шара қолданылатынын мәлімдеді.