Gran Fondo әлем чемпионаты Алматыда өтеді
24 тамызда Алматыда алғаш рет Gran Fondo әлем чемпионаты өтеді. Бұл – әуесқой велоспорттағы ең беделді жарыстардың бірі. Додаға әр елден келген 500-ден астам спортшы қатысады.
Алматы, NEGE. «Абсолют» санатында жеңіске жеткен спортшы Gran Fondo World Tour нұсқасы бойынша әлем чемпионы атанады.
Жарыс бағыты қала көшелері мен Іле Алатауының әсем бөктерін қамтиды. Gran Fondo чемпионатының ерекшелігі – ашық форматта өтуі: дайындық деңгейіне қарамастан кез келген адамның қатыса алады.
Gran Fondo тарихы бір ғасырдан астам уақыт бұрын Италияда басталған. Бүгінде бұл жарыс әлем бойынша миллиондаған велоспорт әуесқойларын біріктіреді.
Ірі спорттық шараға байланысты 24 тамыз күні сағат 04:30-дан 09:30-ға дейін әл-Фараби даңғылында көлік қозғалысы шектеледі. Қала тұрғындарына 2GIS қосымшасы, «Яндекс карталар» және @AlmatyJoly Telegram арнасы арқылы бағыттарын алдын ала жоспарлау ұсынылады.
Қазір оқып жатыр
Маңғыстаудағы төтенше жағдай: Үкіметтік комиссия мүшелері не талқылады?
Қаза болған әскери қызметшілерге көңіл айту жеделхаттары келіп жатыр
Каспийдегі оқу-жаттығудан кейін аман қалып, ауруханаға түскен сарбаздың жағдайы белгілі болды
Қаза болған әскери қызметшілердің отбасыларына көмек жинайтын бірыңғай қор белгіленді
